వైష్ణవ ఆచార్యుల కీర్తనలు ( Vaishnava Acharyula Keertanalu )

Summary

అనేకమంది వైష్ణవుల (కృష్ణభక్తుల) సంప్రదాయకమైన కవితలతో, మంత్రాలతో నిండి ఉన్నదే ఈ పుస్తకము. వారు తమ రచనలలో శ్రీకృష్ణభగవానుని, ఆతని అవతారాలను కీర్తించారు. మూల బెంగాలీ కీర్తనలకు, సంస్కృత కీర్తనలకు ఈ పుస్తకములో కచ్చితమైన భావము పొందుపరుపబడినది. ఈ కీర్తనలలోని కవిత్వము హృదయాన్ని స్పృశిస్తూ సాధకుడైన భక్తుని భక్తిభావాన్ని వెల్లడి చేస్తుంది. ఈ భక్తి కీర్తనలను పాడడము భక్తియోగములో అత్యంత ప్రధానమైన సాధనము. ఇది మనలను ఈ తాత్కాలిక జగత్తు యొక్క క్లేశాల నుండి శీఘ్రమే ఉద్ధరించి మన చైతన్యాన్ని భగవత్ప్రేమలోని ఉన్నత స్థాయికి చేరుస్తుంది. దివ్యనాదము మనలను దివ్యప్రదేశానికే తీసికొని వెళుతుంది. హృదయలోతుల నుండి ఉప్పొంగినట్టి ఈ రమ్యమైన కీర్తనలు సంగీత సాహిత్యాలు చేయగలిగిన రీతిగా భగవంతునికి దగ్గరగా చేరుస్తాయి.